Mbreti Karli III do të festojë ditën e tij të veçantë më 14 nëntor. Festimet janë në pritje për familjen mbretërore javën e ardhshme pasi Mbreti mbush 75 vjeç të martën më 14 nëntor.
Çfarë do të bëjë Mbreti për të shënuar një rast kaq të rëndësishëm?
Kauzat bamirëse të Mbretit Karli III do të jenë në qendër të festimeve të tij. Në prag të ditëlindjes së tij të hënën, mbreti do të bashkohet me 75-vjeçarë të tjerë për një festë të veçantë në shtëpinë e tij në fshat, Highgrove.
Monarku do të mblidhet në shtëpinë e tij në Gloucestershire të hënën me kampionët e komunitetit të cilët, si ai, kanë lindur në vitin 1948 si pjesë e brezit të bebeve të pas Luftës së Dytë Botërore.
Çaji i pasdites, me vallëzim me muzikë live nga një kor lokal rock, do të shënojë gjithashtu 75-vjetorin e NHS (Shërbimi Kombëtar i Shëndetit) dhe brezi Windrush (Ata që mbërritën në MB midis 1948 dhe 1971 nga vendet e Karaibeve janë etiketuar si brezi Windrush).
Më pas, të martën, Mbreti dhe Mbretëresha do të lançojnë zyrtarisht Projektin e Ushqimit të Kurorëzimit.
Karli III dhe Kamila do të vizitojnë një qendër të shpërndarjes së ushqimit jashtë Londrës, ku do të kenë mundësinë të takojnë stafin dhe vullnetarët, duke dëgjuar për mënyrat se si mbetjet e ushqimit mund të përdoren për të mirën sociale./abcnews.al
