Zbulohen 102 kg kanabis në Memaliaj, arrestohen tre persona

Policia ka zbuluar dhe sekuestruar 102 kg kanabis në Memaliaj dhe ka arrestuar tre persona. Arrestimi i tyre u bë pasi në aksin rrugor Krahës-Memaliaj gjatë kontrollit të ushtruar në automjetin me të cilin po udhëtonin, Policia gjeti dhe sekuestroi 63.6 gramë lëndë e dyshuar narkotike si ajo e llojit Cannabis Sativa. Gjithashtu gjatë kontrollit në një banesë në fshatin Zhulaj, Memaliaj, që dyshohet se e përdornin të prangosurit, policia gjeti dhe sekuestroi një sasi prej rreth 102 kilogramë lëndë të dyshuar narkotike e llojit Cannabis Sativa. Materialet i kaluan Prokurorisë Pranë Gjykatës së Shkallës së Parë Gjirokastër, për veprime të mëtejshme, për veprën penale “Prodhimi dhe shitja e narkotikëve e kryer në bashkëpunim”. /abcnews.al