Pas raportimeve të shumta se pema e mbjellur nga Presidenti amerikan Donald Tump dhe homologu francez Emmanuel Macron është zhdukur nga kopshti i Shtëpisë së Bardhë, ka ardhur dhe një sqarim zyrtar.
Ambasadori i Francës në Uashington, Gerard Araud, më anë të një mesazhi në Twitter ka zbardhur misterin që prej ditësh është pasqyruar gjerësisht në shtypin ndërkombëtar.
Ai thotë se pema është dërguar në karantinë, gjë e cila kërkohet për çdo organizëm të gjallë të importuar në SHBA.
“Pema do të mbillet përsëri në të ardhmen”, shkruan i dërguari i Parisit në Uashington./abcnews.al
