Sali Berisha e ka kundërshtuar fuqishëm projektin për ndërtimin e hidrocentralit të Skavicës .Por dokumentat e zbardhura së fundmi tregojnë se në kohën që Berisha ka qenë kryeministër ka negociuar direkt me rusët për ndërtimin e këtij hidrocentrali
Dokumenti është një letër e dërguar nga ambasadori rus, Abramov për ministrin e Energjetikës në atë , Edmond Haxhinasto, përfaqësues i LSI-së e cila bashkëqeveriste prej 3 vitesh me Sali Berishën.
Letra është edhe në gjuhën ruse dhe rezulton se është dërguar në dhjetor të vitit 2012.
Në letër zbardhet fakti se ish-kryeministri Berisha është takuar në vitin 2012 me presidentin e kompanisë shtetërore ruse të energjisë “RusHydro” Evgeniy Dod me të cilin ka rënë dakord që kjo e fundit të ndërtojë një sërë hidrocentralesh në vend midis të cilëve edhe Skavicën.
Kompania RusHydro e kontrolluar nga shteti rus rezulton prodhuesi i dytë më i madh i energjisë në botë ndërkohë që në një takim të mëparshëm kishte marë dakordësinë e ish-kryeministrit Bersiha për të hyrë në tregun shqiptar.Ambasadori rus në atë kohë i kërkon ish-ministrit Edmond Haxhinasto që ti verë në dispozicion dokumentacionin e duhur në lidhje me zbatimin e projektit.
Aktualisht ky projekt i rëndësishëm për sistemin energjitik shqiptar do të ndërtohet nga kompania me famë botërore amerikane Bechtel, përmes një kredie të butë prej 500 milionë dollarësh. Kontrata është paparashikuar të ndahet në dy faza, ku në fazën e parë firma amerikane do të bëjë një studim të detajuar të projektit, teksa faza e dytë e kontratës parashikon ndërtimin e kësaj vepre madhore.
