Moska do të synojë mediat amerikane në përgjigje të veprimeve të Shteteve të Bashkuara kundër transmetuesit shtetëror rus RT, deklaroi këtë të enjte zëdhënësja e Ministrisë së Jashtme ruse Maria Zakharova.
Departamenti Amerikan i Drejtësisë ngriti akuza për pastrim parash kundër dy punonjësve të RT për atë që u përshkrua si një skemë për të punësuar një kompani amerikane për të prodhuar përmbajtje online për të ndikuar në zgjedhjet presidenciale të nëntorit.
Zakharova e përshkroi masën si një “gjueti shtrigash” dhe tha se kishte për qëllim të trembte popullsinë e SHBA.
“Do të ketë një përgjigje ndaj veprimeve të autoriteteve të Shteteve të Bashkuara që kundërshtojnë drejtpërdrejt detyrimet e tyre në fushat e ofrimit të aksesit të lirë në informacion dhe pluralizmit të medias,” tha ndër të tjera Zakharova.
Masat e Moskës mund të pasqyrojnë ato të Uashingtonit ose të marrin një formë tjetër, shtoi ajo.
/abcnews.al
