Kryeministri i Maqedonisë së Veriut, Zoran Zaev, ka bërë me dije së në kuadër të fushatës së vaksinimit, do të marrë nga Serbia 8 mijë vaksina kundër COVID-19 të kompanisë Pfizer/BioNtech.
Zaev përmes një postimi në rrjetin social Facebook, shkruan se në një komunikim që ka pas më presidentin e Serbisë, Aleksandër Vuçiç, ky i fundit i ka shprehur gatishmërinë për të ndihmuar Maqedoninë e Veriut.
Zaev tha se detaje tjera do të bëhen të ditura në ditët në vijim.
“Vuçiç më konfirmoi se Serbia do të na ndihmojë me vaksina, të cilat do t’i paguajmë me çmimin e blerjes”, shkruan Zaev.
Ndërkohë dozat e para të vaksinave, Maqedonia e Veriut do t’i përdorë për të vaksinuar punëtorët shëndetësorë, të sëmurët kronikë dhe kategoritë tjera të rrezikuara. /abcnews.al
