Ambasadorja amerikane Yuri Kim ka marrë pjesë në koncertin kushtuar këngëtares së muzikës popullore Fitnete Rexha, në Teatrin Kombëtar të Operas dhe Baletit.
Në një postim në rrjetet sociale, Kim ka publikuar disa foto nga kjo mbrëmje. Si të mrekullueshëm e ka cilësuar diplomatja amerikane koncertin në të cilën kanë interpretuar Bujar Qamili dhe Valbona Mema.
“Një mbrëmje e mrekullueshme në përkujtim të këngëtares së muzikës popullore Fitnete Rexha, me këngët e saj të interpretuara mjeshtërisht nga Bujar Qamili dhe Valbona Mema, e të rinj që duan të ecin në gjurmët e saj. Unë e dua Shqipërinë!” ka shkruar ambasadorja.
View this post on Instagram
“Gjerdani i artë” është një cikël koncertesh, që do ti kushtohet artistëve më të mirë të muzikës popullore shqiptare. Shfaqja e parë e ciklit “Gjerdani i artë” nga Ansambli i Këngëve dhe Valleve Popullore iu kushtua Fitnete Rexhës. g.v/abcnews.al
