Ndërsa për disa prej nesh, blerja e një shtëpie duket si investimi më i madh që mund të bëjmë, duket se ky nuk është rasti për yjet e Hollivudit. Në fakt, disa prej tyre kanë bërë një hap më tej në blerjen e pasurive të paluajtshme, duke investuar shumë të mëdha tek ishujt privatë.
Leonardo di Caprio
Në 2005, aktori bleu 104 hektarë Blackadore Caye në brigjet e Belize. Sidoqoftë, DiCaprio u përball me shumë probleme. Ai më në fund realizoi ëndrrën e tij për të ndërtuar një vendpushim luksoz në ishull në vitin 2015. Ai ka 36 shtëpi njëkatëshe dhe vila që janë integruar plotësisht në peizazhin e ishullit.
Steven Spielberg
Regjisori i famshëm ka dy ishuj jashtë Portugalisë. Ishulli kryesor ndodhet në Arkipelagun Madeira, i cili shërben si shtëpi pushimi ndërsa tjetri është i pabanuar dhe i lidhur me të parin nëpërmjet një dige tokësore.
Ricky Martin
Këngëtari bleu në vitin 2008 parajsën e tij private në brigjet e Brazilit, afër qytetit turistik të Angra dos Reis. Ishulli mbulon një sipërfaqe prej 19.7 hektarë dhe është i famshëm për disa nga plazhet më mahnitës në Amerikën e Jugut. Emri i ishullit, për të cilin Martin shpenzoi 6.4 milion euro, nuk është zbuluar kurrë.
Johnny Depp
Gjatë xhirimeve të “Pirates of the Caribbean”, Johnny Depp ra në dashuri me Bahamas dhe bleu “Little Hall Pond Cay” në 2004 për 3.6 milion dollarë. Është një ishull me 45 hektarë duna, një lagunë me palma dhe rërë ekzotike, të bardhë. Një nga plazhet e ishullit, në fakt, quhet Marlon Brando, për nder të aktorit legjendar, ndërsa të tjerët mbajnë emrat e anëtarëve të familjes Depp.
George Clooney
George dhe Amal Clooney blenë një ishull të madh privat në lumin Thames në vitin 2014 për 13 milionë dollarë dhe rimodeluan rezidencën ekzistuese të shekullit të 17-të, duke shtuar një pishinë të brendshme, një kinema dhe një shtëpi prej xhami.
Mel Gibson
Mel Gibson ka një nga ishujt më të mëdha private në botë. Pas publikimit të “Pasioneve të Krishtit” në 2004, ai bleu ishullin Mago në Ishujt Fixhi për 15 milion dollarë. Ishulli prej 5,400 hektarësh është i rrethuar plotësisht nga shkëmbinj nënujorë dhe plazhe të bardha. Në fakt, ai nuk planifikon ta kthejë ishullin e tij privat në një vendpushim luksoz, por dëshiron ta përdorë atë me familjen dhe miqtë e tij të ngushtë. /abcnews.al
