Nënkryetarja e LSI-së, Erisa Xhixho, këtë të martë ka qenë në Bubq ku ka parë nga afër gjendjen e disa familjeve shtëpitë e të cilëve janë rrënuar nga tërmeti i 26 nëntorit.
Xhixho është ndalur tek familja e Shkëlzen Zelës në Bubq, të cilët që prej nëntorit të 2019 janë të braktisur nga shtetit.
Përmes një postimi në Facebook, ajo shkruan se gjatë komunikimit me kryefamiljarin e kësaj familje ai i ka pohuar se ndihma e vetme që kanë marrë që nga nëntori i 2019-ës është 10 mijë lekë bonus qiraje dhe asgjë tjetër.
Postimi i plotë:
Sot isha në familjen e Shkëlzen Zelës në fshatin Bupq të Fushë Krujës , i cili jeton së bashku me gruan,fëmijet 2 vjec dhe 10 muajsh, mamanë dhe vëllain të dy me probleme shëndetsore.
Shtepia e tyre u prish nga termeti 26 nëntorit dhe prej atij momenti jetojnë në varfëri ekstreme , të pashpresë dhe të harruar nga qeveria qëndrore dhe lokale.
Me dhimbje ndajnë vështirësitë ekonomike që duhet të kalojnë çdo ditë për të mbijetuar ku shpresa e vetme i mbetet zoti.
Duan që t’i ndërtohet shtëpia e tyre edhe pse askush nuk është interesuar për ta ka 10 muaj dhe as nuk dinë se kur do mund të fusin kokën serish në shtëpinë e tyre .
Shiu i këtyre ditëve ja kanë veshtirësuar me shumë jetën e tyre ku meraku më i madh është shëndeti i fëmijëve.
Kjo është Shqipëria reale jo 3D !/ abcnews.al
https://www.facebook.com/ErisaXhixho/posts/3731955096838658
