2020-ta është padyshim viti i bashkëpunimeve. Artistët më në zë të momentit kanë sjellë një sërë duetesh këtë verë, që janë pritur mjaft mirë nga publiku. Por, kënga e cila vazhdon të jetë më e dëgjuara edhe për këtë javë është “Panorama” e Xhensila Myrtezajt dhe Ardian Bujupit.
Dyshja lançoi këngën pak javë më parë, e cila ka korrur një sukses të jashtëzakonshëm, duke marrë më shumë se 12 milion klikime në Youtube dhe duke i renditur artistët në majat e klasifikimeve. Sipas Billboard Albania, “Panorama” ka mbajtur sërish fronin edhe për këtë javë, dule lënë pas Mozzik, Kidën, Dafina Zeqirin, Ledri Vulën dhe shumë emra të tjerë.
Kujtojmë që ky është projekti i dytë i Xhensilës dhe Ardianit, pas “Çika Çika” e dy viteve më parë, e cila u kthye menjëherë në hit duke tejkaluar shifrën e 100 milion klikimeve. Ndërkohë, nëse dyshja pritet të sjellin prurje të reja për këtë verë, qoftë bashkëpunime me artistë të tjerë apo këngë solo. /abcnews.al/
