Një shpërthim i fuqishëm ka bërë që copa xhami e çeliku të “fluturojnë” kudo në qytetin e Nashville, në Tennessee. Ngjarja ka ndodhur në orët e para të mëngjesit të Krishtlindjeve. Paraprakisht raportohet për disa viktima.
Të paktën 30 persona janë evakuuar nga apartamentet rreth e qark zonës së prekur rreth 5.30 të mëngjesit me orën lokale.
Në vendin e ngjarjes kanë shkuar skuadrat e çaktivizimit të bombave si dhe policia e zjarrfikësit. Radiot në Nashville raportojnë se si pasojë e shpërthimit ka dëme të mëdha strukturale ndërsa xhamat u thyen kudo.
Departamenti i zjarrit tha në një njoftim: Ka ndodhur një shpërthim. Kjo është një skenë aktive. Nuk ka detaje më të hollësishme deri më tani.
Sa i përket të lënduarve, raportohet se shumica prej tyre kanë plagë jo të rënda. s.b/abcnews.al/
