Erjon Xhafa, ndihmës i Emmanuel Egbo te Tirana dhe kampion sezonin e kaluar në Superiore, është i ftuar sonte në emisionin “Pressing” në ABC. Ish-mbrojtësi i njohur thekson se bardheblutë (renditen në vend të pestë) ndodhen në vendin që meritojnë.
“Po luhet një kampionat pa koka të deklaruara. Ekipet nuk po tregojnë stabilitetin që pritej, nga Tirana, Teuta dhe Laçi, që shiheshin si kandidatë. Po bëhet një kampionat me surpriza.
Tirana? Klasifikimi jep atë që ka dhuruar në fushë, Tirana në renditje është në vendin që meriton. Ka pasur luhatje për shkak të dëmtimeve dhe mungesave.
Kishte dy ndeshje të lehta, ishte momenti i duhur për ta marrë këtë frymëmarrje. Tani vjen kalendari kur do të dallohen objektivat e klubit“, deklaron Xhafa. /abcnews.al
