Dy herë, në dy vjet pasi refuzuan zbatimin e urdhrit të Gjykatës Kushtetuese, socialistët zyrtarisht çojnë çështjen “Xhaçka”, në Komisionin e Venecias. Mbrëmjen vonë të së enjtes, PS-ja edhe një herë shpëtoi mandatin e deputetes Olta Xhacka, ndërsa njëherësh kryetarja e Parlamentit njoftoi se do të kërkojë mendim nga ekspertët e Komisionit të Venecias, mbi disa pikëpyetje që janë ngritur gjatë këtyre dy viteve mbi detyrimin e deputetëve për të votuar vetëm PRO, urdhërimeve të Kushtetueses.
“Bazuar në parimet e demokracisë parlamentare përfaqësuese, a mund të detyrohen deputetët që të votojnë në një mënyrë të caktuar?Nëse ka përjashtime të tilla, cilat janë ato dhe a kanë lidhje me rastin e mocioneve për pajtueshmërinë e mandatit të një deputeti? Cili është mekanizmi, nëse ka, për të detyruar deputetët të votojnë në një mënyrë të caktuar, pro, kundër, abstenim?”
Ndërsa mandati I këtij parlamenti është drejt fundit dhe vetë forcat politike kanë ndezuar motorët, për zgjedhjet e 2025, prej Komisionit të Venecias kërkohet Opinionin, nëse një gjykatë mund të vendos mbi vetë Kuvendin.
“Cili është roli i organit legjislativ lidhur me konstatimin e papajtueshmërisë së mandatit të deputetit në shtete të tjera dhe a ka një kontroll gjyqësor ndaj vendimmarrjes së tyre? Nëse po, në ç’raporte është kompetenca që organi legjislativ ka në këtë procedurë krahasuar me kompetencën e gjykatës përkatëse? Cili prej këtyre organeve ushtron kontroll thelbësor të mocionit për konstatimin e papajtueshmërisë së mandatit të deputetit?
Por ndërsa kjo shkresë po përgatitej në Kuvend, Delegacioni i Bashkimit Europian në Tiranë kritikoi qëndimin për votën kundër. Sipas Delegacionit të BE-së, Kuvendi duhet të respektojë vendimet e Gjykatës Kushtetuese.
“Ajo çka ndodhi dje nuk është një hap në drejtimin e duhur. batimi i vendimeve të Gjykatës Kushtetuese nga Parlamenti është një çështje thelbësore pasi lidhet me kontrollet dhe balancat institucionale në sistemin demokratik të vendit”
Menjëherë më pas, ky reagimi i delegacionit të BE-së, u mbështet nga ambasada e shba-së në Tiranë, duke thënë se ndan të njëtin shqetësim, mbi vendimine parlametit për të shpërfillur një vendim të gjykatës kushtetuese.
“Qeveria dhe institucionet duhet të respektojnë rregullat, ligjet, vendimet e gjykatave dhe kushtetutën – të gjitha të cilat janë aty për të siguruar që sistemi demokratik është i shëndetshëm dhe lulëzon.
Me ambasadën e SHBA-s, replikoi më pas kryeparlamentarja Spiropali, së cilës selia diplamtike i kujtonte deklaratën se është përgjegjësi e parlamentit marrja e hapave për vendimet e Kushtetueses.
“Me qëllim marrjen e këtij sqarimi dhe dhënien fund të paqartësisë që e ka shoqëruar Kuvendin, për mënyrën e zbatimit të vendimit, i jam drejtuar menjëherë sot Komisionit të Venecias si një instancë me prestigj e kompetencë të padiskutueshme. Sapo të marrim nga Komisioni i Venecias opinionin përkatës, do të veprojmë sipas atij opinioni pa humbur asnjë ditë më shumë”
Më parë, PS-ja kërkoi prej vetë Gkykatës Kushtetuese, që të kërkonte Opinionin prej ekspertëve të Venecias por bazuar dhe ne vendimarrjet e mëparshme, Gjykata e refuzoi diçka të tillë dhe këkroi prej Kuvendit pa asnjë vonesë, të conte mandatin e Xhackës, për shqyrtim.
Të enjten vonë, kësaj thirrjeje të kryetares së Kushtetuese, Olta Xhacka, shumica e deputetëve të PS iu përgjigjën me votë abstenuese në Parlament, duke mbrojtur edhe një herë kolegen e tyre.
/abcnews.al/
