Barcelona u mposht në shtëpi nga Real Betis dhe trajneri Xavi ishte i tërbuar, pasi mendon se katalanasit nuk e meritonin diçka të tillë.
“Ne meritonim më shumë, është turp që nuk morën diçka nga kjo ndeshje. Jam shumë i inatosur me golin që pësuam, sepse kishim punuar shumë për të shmangur gabime të tilla.
Nuk e meritonim humbjen. Jam krenar për skuadrën, tani duhet të ndryshojmë çipin”, ka thënë fillimisht trajneri katalanas, që nuk e ka mbyllur më kaq.
“U kam thënë lojtarëve se jam krenar. Tani duhet të luftojnë si bisha për të fituar në Mynih. Nuk na mbetet gjë tjetër veçse të shkojmë për të fituar. Gjithçka varet nga këmbët tona”, tha Xavi mes të tjerash. / abcnews.al
