Të paktën 140 persona kanë humbur jetën ose janë zhdukur nga vërshimet që kanë ndodhur në pjesën qendrore të Kinës si rezultat i reshjeve të mëdha të shiut.
Wuhan që konsiderohej si epiqendra e koronavirusit tashmë është shndërruar në një “lumë” të madh. Qyteti i Wuhanit që ka 11 milionë banorë, gjendet në listën e qyteteve ku niveli i ujit në lumin Yangtze është rritur dhe që konsiderohet si lumi më i madh në Kinë.
Vërshimet në Kinë janë të zakonshme gjatë verës, në veçanti në afërsi të lumit Yangtze që i ka 6 mijë kilometra dhe kalon nëpër një sërë rajonesh. Autoritet e atjeshme deri më tani kanë konfirmuar se 141 persona kanë humbur jetën ose janë zhdukur, kurse 28 mijë shtëpi janë shkatërruar duke ua rrezikuar jetën 38 milionë njerëzve.
Megjithatë reshjet e mëdha të shiut dhe të pandërprera që nga java e kaluar,ka bërë që ndërtesat deri në katin e tretë të mbulohen nga uji. /abcnews.al
