Presidenti i Serbisë, Aleksandër Vuçiç tha sot se ka pasur një takim të shkëlqyer me anëtarin e Byrosë Politike të Partisë Komuniste të Kinës, sekretarin e Sekretariatit dhe kreun e Komisionit për Çështje Politike dhe Juridike të Komitetit Qendror, Chen Wencing.
Përmes një postimi në rrjetet sociale, Vuçiç shprehu mirënjohjen e tij për Kinën për mbështetjen e saj ndaj integritetit territorial dhe sovranitetit të Serbisë.
“Kemi konfirmuar shkallën e lartë të bashkëpunimit ndërmjet vendeve tona në të gjitha sferat e jetës shoqërore”, tha presidenti serb.
“Mezi pres të takoj presidentin Xi Jinping, një mik i madh i vendit tonë”, përfundoi Vuçiç.
View this post on Instagram
