Një person i moshës 67-vjeç i identifikuar si Perikli (Petrika) Treska është vrarë me thikë rreth orës 20:30 të mbrëmjes së sotme në lagjen numër 7, në qendër të qytetit të Korçës.
67-vjeçari është gjetur fillimisht i plagosur nga bashkëshortja e tij pranë banesës së tij, ndërsa nuk dihen shkaqet e kësaj ngjarjeje.
Sipas policisë, ai është dërguar në spital ku dhe ka ndërruar jetë për shkak të plagëve të shumta që ka marrë në trup. Ajo po punon për zbardhjen e plotë të ngjarjes dhe kapjen e autorit.
LEXO EDHE: Plagoset me armë zjarri 18-vjeçari në Laç
“Më datë 23.04.2020, rreth orës 20:30, në lagjen nr. 7, në rrethana ende të paqarta është goditur me mjet prerës shtetasi P. T., rreth 67 vjeç, banues në Korçë, i cili pas mbërritjes në Spitalin e Korçës, ka ndërruar jetë.
Në vendngjarje ndodhet grupi hetimor i cili po punon për zbardhjen e rrethanave të ngjarjes, identifikimin dhe kapjen e autorit”, njofton policia.
/abcnews.al
