U vra thuajse në derë të shtëpisë. Elton Javori, sapo kishte dalë nga banesa e tij në lagjen 16 prilli në Fier, kur u qellua me armë zjarri mesditën e të enjtes.
Kur pulmbat u zbrazën ndaj tij, 41-vjeçari gjendej në makinë.
Policia ka identifikuar si autor Agim Gashin, i cili dyshohet se i kishtë zënë pritë. Pasi e ekzekutoi, 35-vjeçari u largua me këtë automjet.
Për ndalimin e tij, policia ngriti postblloqe të shumta jo vetëm në Fier e Vlorë, por edhe qytete të tjera.
Në lagjen ku jetonte Elton Javori, njihej si djalë i qetë e jo problematik.
“E nohim familje shumë e mrekullueshme, i ati, e ëma, vëllezërit. Nuk kam dëgjuar asgjë. Shokë e kemi, pinim kafe. Sa dola nga shtëpia më thanë që e vranë, armë nuk dëgjova” tha një prej fqinjëve.
Pistat ku po hetohet janë disa. Të dy, autori dhe viktima janë pjesë të fiseve që në Fier njihen si të forta e anëtarët e tyre kanë probleme me ligjin.
Një krushqi e prishur dhe konfliktet mes të dyve janë të tjera dyshime që mund të kenë çuar në vrasje.
Për të zbardhur dinamikën e ngjarjes policia ka sekuestruar pamjet filmike të kamerave të sigurisë ndersa punohet ende per te vene ne pranga vrasesin./abcnews.al
