Gjykata ka dhënë masën e sigurisë ‘arrest në burg’ për 14 vjeçarin Mario Perlleshi, që vrau me thikë bashkëmoshatarin e tij Martin Cani disa ditë më parë pranë ambienteve të shkollës ‘Fan Noli’ në Tiranë. Seanca u zhvillua në ambientet e një spitali privat në kryeqytet, ku adoleshenti po merr mjekim.
“Seanca ndaj 14 vjeçarin do të zhvillohet në ambientet e një spitali privat në kryeqytet, pasi edhe pse Gjykata i ka kërkuar shkresë policisë, kanë qenë mjekët që s’kanë lejuar transportin e tij për shkak të gjendjes së tij. Gjykata është zhvendosur në ambientet e spitalit, ku do të kërkojë arrest në burg për Perlleshin. Prokuroria ka vijuar hetimet sa i takon akuzës për vrasje në rrethana cilësuese dhe armëmbajtje pa leje.”, raportoi gazetari.
“Vendosi :
- Vleftësimin si të ligjshëm të arrestimit në flagrancë të shtetasit të mitur ne konflikt me ligjin M. P., , kryer nga oficerët e policise gjyqesore me iniciative ne date 18.11.2024, ora 21.30.
- Caktimin e mases se sigurimit personal ndaj shtetasit te mitur ne konflikt me ligjin M.P.i, i dyshuar per kryerjen vepres penale “Vrasje e kryer ne rrethana cilesuese”, ndaj nje te mituri, parashikuar nga neni 79/a i Kodit Penal, ate te “Arrestit ne burg” parashikuar nga neni 238 i K.Pr. Penale.
- Ngarkohet policia giyqesore per zbatimin e ketij vendimi.
- Kunder këtij vendimi lejohet te behet ankim ne Gykaten e Apelit te Juridiksionit tePergjithshem Tirane, brenda 5 (pese) diteve, afat ky qe fillon nga e nesermja e njoftimit të këtij vendimi.
- U shpall sot ne Tirane, më date 22.11.2024″, thuhet në vendimin nga Gjykata e Shkallës së Parë të Juridiksionit të Përgjithshëm Tiranë.
Konflikti mes adoleshentëve u regjistrua mesditën e 18 shtatorit rreth 300 metra larg shkollës Fan Noli, në Tiranë. Martin Cani ndërroi jetë në spital pak pasi u transportua ndërsa 2 adoleshentët e tjerë Luis Mecja dhe autori, Mario Perlleshi morën plagë të lehta dhe janë jashtë rrezikut për jetën./abcnews.al
