Një gjykatë në rrethin indian Shamli ka dënuar me burgim të përjetshëm një grua dhe të dashurin e saj për vrasjen e burrit të saj.
37-vjeçarja Rajesh Devi dhe paramoti i saj, 39-vjeçari Pradeep Kumar u shpallën fajtorë nga gjykata, bazuar në dëshminë e dhënë nga djali gjashtë vjeçar i gruas.
Dyshja u shpall fajtor për vrasjen e bashkëshortit të gruas, Dharamvir Singh, i cili u gjet i vdekur në qershor 2018, që fillimisht u mendua të ishte një rast vetëvrasjeje.
Gruaja e tij e mbyti Dharamvirin me ndihmën e partnerit të saj për kundërshtimin e marrëdhënies së tyre të paligjshme dhe ata e varën trupin e tij nga tavani për ta bërë atë të dukej si një vetëvrasje.
Çfarë tha djali?
Megjithatë, gjërat ndryshuan pasi djali i madh i çiftit i tha gjyshit të tij pak ditë më vonë se babai i tij u vra nga nëna dhe një burrë tjetër.
Sipas djalit, ai ishte zgjuar natën dhe kishte parë nënën e tij duke mbajtur këmbët e babait të tij, ndërsa një burrë tjetër ishte ulur në një jastëk nën të cilin ai po luftonte me jetën.
Policia e arrestoi dyshen në nëntor 2018 dhe gjatë gjykimit, gjykata u mbështet në dëshminë e djalit 6-vjeçar dhe doli në përfundimin se Dharamvir ishte vrarë.
Të hënën, gjykatësi Griesh Kumar Vaish e shpalli çiftin fajtor sipas nenit 302 (vrasje) të Kodit Penal Indian./abcnews.al
