Në automjetin e djegur që dyshohet se u përket autorëve të vrasjes së mbrëmshme në Elbasan ëahtë gjetur një pistoletë. Mendohet se pistoleta i përket autorit, i cili qëlloi ndaj Everest Çakës duke e lënë të vdekur këtë të fundit.
Makina tip “Benz” pa targa u gjet në flakë dhe do të jetë shumë e vështirë që të gjenden prova brenda saj që mund të çojnë në gjurmët e autorëve.
Lexo edhe: Dinamika e ekzekutimit në Elbasan, gruaja kërkoi ndihmë, dëshmitë, pistat dhe e shkuara e viktimës
Dyshohet se kanë qenë dy autorë që kanë qëlluar në drejtim të çiftit Çaka, ku ndërroi jetë 41-vjeçari ndërsa gruaja e tij Silvana mori një plumb në dorë dhe ndodhet jashtë rrezikut për jetën. Everest Çakës iu bë pritë në momentin që po shkonte te prindërit e gruas në lagjen “Skënderbej” të Elbasanit. g.v/abcnews.al
