Loading ...Gjykata e apelit të përgjithshëm ka lënë në fuqi masat e “arrest në burg” për Fatjon Bushgjokën dhe Petrit Çakrrin, te arrestuar per vrasjen e 23 vjeçarit Renis Dobra mbrëmjen e 8 korrikut, ku vetem një ditë me pas trupi i të riut u gjet në afërsi të liqenit të Shkopetit.
Gjatë seancës avokatet kanë kërkuar të cilësohet i paligjshëm arrestimi dhe lirimi i menjëhershëm i dy të dyshuarve me pretendimin se prokuroria nuk ka prova për implikimin e tyre ne vrasjr. Në përfundim gjykata miratoi kërkesën e prokurorisë duke lënë në burg të dyshuarit dhe i caktoi afat që të mblidhen prova të tjera shtesë për të provuar akuzën. Në kërkim për këtë ngjarje janë edhe Kristi dhe Aleksandër Bushgjokaj.
Sipas hetimeve autorët e kanë ndjekur të riun që nga qyeti i Burrelit dhe rrugës duke shkuar për në banesën e tij ata e kanë dhunuar dhe mbytur. Më pas për të fshehur krimi, automjetin me te cilin udhetonte viktima e hodhen në liqenin e shkopetit bashke me trupin e pajetë te 23-vjeçarit.
Renis Dobra kishte pak muaj që ishte kthyer nga Gjermania, shtet ku ishte deportuar, pasi u arrestuar si pjesë e një grupi kriminal që shpërndanin drogë. Pikërisht në këtë aktivitet hetuesit kane dyshime se viktima ka patur konflikt me 4 autoret e dyshuar te ngjarjes. / abcnews.al /
