Loading ...Gazetarja Etleva Delia thotë se autori i vrasjes së gjyqtarit Astrit Kalaja, Elvis Shkambi nuk u kontrollua nga roja i sigurisë në gjykatë, për armën që ai mbante me vete.
Në një intervistë për “Newsline” në ABC News, Delia u shpreh se dedektorët ishin funksionalë dhe u sinjalizua prania e armës.
“Punonjësi i sigurisë nuk ka lëvizur nga karrigia. Është ngjarje që mund të jetë neglizhuar nga ana e sigurisë. Që këtu ka filluar neglizhenca e rojes së sigurisë. Konfliktet e pronësisë vazhdimisht kanë prodhuar viktima. Kjo është hera e parë që një gjykatës vritet në sallën e gjyqit. Çështjet e pronave, e pamë edhe te dosja e fundit të SPAK, sesi bëhej tjetërsimi i pronave. Shihet se sa i madh është ky problem. Institucionet duhet të bëjnë punën e vet. Qytetarët duhet të ndërgjegjësohen që drejtësia do vihet në vend”, theksoi ajo./abcnews.al
