Policia e Shtetit ka reaguar në lidhje me arrestimin e 3 tre prej autorëve të dyshuar të vrasjes së biznesmenit Ardian Nikulaj.
Sipas policisë mësohet se arrestimi i tyre është bërë falë shkëmbimit të informacionit në kohë, Policia britanike mundi të lokalizojë në Londër, të kapë dhe të vërë në pranga, me qëllim ekstradimin drejt Shqipërisë, 3 prej 6 shtetasve të shpallur në kërkim.
Të ndaluarit janë Edmond Haxhia, Stephen Hunt dhe Thomas Mithan.
Arrestimi i tyre nga autoritetet britanike është bërë me qëllim ekstradimin drejt Shqipërisë.
LEXO EDHE: “Autori ishte i vetëm, qëlloi 7 herë”/ Detaje nga vrasja e Ardian Nikulajt në Shëngjin
“Falë bashkëpunimit të ngushtë mes Policisë shqiptare dhe asaj britanike, pas shkëmbimit të informacionit, lokalizohen dhe kapen në Londër, 3 prej autorëve të dyshuar të vrasjes së biznesmenit Ardian Nikulaj.
Në vijim të veprimeve të thelluara hetimore dhe kërkimore, për lokalizimin dhe kapjen e personave të shpallur në kërkim për vrasjen e 51-vjeçarit Ardian Nikulaj, falë shkëmbimit të informacionit në kohë, Policia britanike mundi të lokalizojë në Londër, të kapë dhe të vërë në pranga, me qëllim ekstradimin drejt Shqipërisë, 3 prej shtetasve të shpallur në kërkim, konkretisht shtetasit E. H., Th. M. dhe S. H.
Ndërkohë, Policia e Shtetit vijon intensivisht punën, në bashkëpunim të ngushtë me partnerët për lokalizimin dhe kapjen e personave të tjerë të shpallur në kërkim në lidhje me ngjarjen”, thuhet në njoftimin e policisë. /abcnews.al
