Gjykata e Gjirokastrës ka lënë në burg të akuzuarin për vrasje Paris Xhihanin pasi nga provat materiale të grumbulluara në vendngjarje si dhe nga videot e siguruara nga grupi hetimor, konfirmohet se ka qenë autor i vrasjes me sende të forta të Gjergj Almasit dy ditë më parë në lagjen “Zinxhira”.
Prokurori i çështjes Julijan Çafka ka paraqitur prova sipas tij të pakundërshtueshme të momentit të vrasjes së 35-vjecarit Almasi nga ana e Xhihanit.
LEXO edhe: Vritet me sende të forta një 35-vjeçar në Gjirokastër
Megjithëse avokati i të pandehurve Shpëtim Meçi ka kërkuar një vendim më të lehtësuar, gjyqtarja e çështjes Blerta Çibuku ka dhënë masën burg pa afat për Xhihanin dhe për bashkëpunëtorin e tij në këtë ngjarje Andon Ahmeti, ndërkohë që janë lënë me detyrim paraqitjeje dy adoleshentët Niko Xhihani dhe Vasil Mehmeti për shkak të moshës minorene./abcnews.al
