ELBASAN- Në Gjykatën e Elbasanit pritet të caktohet sot masa e sigurisë ndaj katër të miturve, të cilët akuzohen për vrasjen e Fation Bicit dhe plagosjen e një tjetri.
Sherri mes të miturve nisi pasi një konflikti të çastit, në lagjen “Sporti 2” në Gramsh. Nga përleshja, 16-vjeçari u qëllua me thikë nga bashkëmoshatarët dhe për pasojë humbi jetën. Aktualisht të miturit e akuzuar kanë mbërritur në gjykatën e Elbasanit.
Ngjarja e rëndë tronditi komunitetin e Gramshit, të cilët dënuan me forcë krimin e regjistruar mes të miturve. Stafi i shkollës ku mësonte Fation Bici janë shprehur se ai ishte një nxënës shembullor dhe nuk kishte probleme me bashkëmoshatarët./abcnews.al
