Vota e Shqipërisë në OKB, reagon Ministria e Jashtme

Edhe Shqipëria me votën e saj në Asamblenë e Përgjithshme të OKB, ka mbështetur rezolutën që i kërkon SHBA të tërhiqet nga njohja e Jeruzalemit si kryeqytet i Izraelit. Në një deklaratë zyrtare të shpërndarë për mediat, Ministria e Jashtme sqaron se Shqipëria ka mbajtur të njëjtin pozicion si vendet e BE.
“Vota jonë sot në Asamblenë e Përgjithshme të OKB-¬së reflekton pozicionin tonë të pandryshuar për këtë çështje” -thuhet ne deklarate. “Shqiperia i është përmbajtur konsensusit ndërkombëtar mbi Jeruzalemin, bazuar në një numër të konsiderueshëm dokumentesh të OKB-¬së, përfshirë një numër rezolutash të Këshillit të Sigurimit- vijon reagimi. “Vendi yne i është bashkuar pozicionit të përbashkët të shumicës dërrmuese të vendeve anëtare të BE-¬së, duke i qëndruar koherente qëndrimit të saj në të njëjteën linjë me Bashkimin Evropian”, përfundon deklarata e Ministrisë së Punëve të Jashtme./abcnews.al