Presidentja e Komisionit Evropian , Ursula von der Leyen, do të mbajë takim me liderët e gjashtë vendeve të Ballkanit Perëndimor më 19 shtator.
Sipas zëdhënësit të KE-së, Eric Mamer takimi i së enjtes do të mbahet në ndërtesën e Komisionit Evropian në Bruksel.
Liderët e Kosovës, Shqipërisë, Malit të Zi, Maqedonisë së Veriut, Bosnjë-Hercegovinës dhe Serbisë janë të ftuar në takimin e von der Leyen, por emrat se kush do ta përfaqësojë secilin shtet ende s’janë bërë të ditura.
Më 27 qershor të këtij viti, Këshilli Evropian emëroi von der Leyen për mandatin e dytë si presidente e Komisionit Evropian.
Më 18 korrik, u rizgjodh edhe për një mandat pesëvjeçar pasi votimit të fshehtë në Parlamentin Evropian. Ajo pati 401 vota pro, 284 kundër dhe 22 ishin të pavlefshme. Është planifikuar që më 17 shtator ta prezantojë përbërjen e re të Komisionit.
/abcnews.al/
