Gjykata e Tiranës ka lënë në burg Petrit Kodrën dhe Julian Subashin, të arrestuar për vjedhjen e një sasie karburanti në Vorë.
Togat e zeza i lanë në burg dy të rinjtë të cilët akuzohen për vjedhje në bashkëpunim. Sipas Prokurorisë, nga verifikimet e kryera ka rezultuar se shtetasi Julian Subashi ka vjedhur rreth 172 litra karburant, nga ekskavatori i një firme ndërtimi dhe më pas ia ka shitur shtetasit Petrit Kodra i cili ishte në dijeni që karburanti që kishte blerë, ishte i vjedhur. /abcnews.al/
