Policia në Tiranë ka finalizuar operacionin e koduar “Çekreza” në kuadër të të cilit janë vënë në pranga katër persona. Njoftohet se operacioni është zhvilluar nga Komisariati i Policisë Nr. 5, në bashkëpunim me Sektorin e Forcës së Posaçme “Shqiponja” dhe Komisariatin e Policisë Krujë pasi një gruaje iu vodh me dhunë një varëse floriri.
Të arresturit janë arrestuar 24-vjeçari Rigers Gega, 29-vjeçari Bajram Allushi, 29-vjeçari Benard Murrja dhe 26-vjeçari Ridvan Kapllani. Ata akuzohen për veprën penale “Vjedhja me dhunë”, e kryer në bashkëpunim.
Në vijim të veprimeve, gjatë kontrollit të banesës së Ridvan Kapllanit, policia gjeti dhe sekuestroi 23 kg kanabis, 27 pako me lëndë të dyshuar narkotike të llojit cannabis sativa në formë çokollate dhe një peshore elektronike.
Gjithashtu u sekuestruan 2 automjete të cilat dyshohet se autorët i kanë përdorur gjatë kryerjes së krimit, 4 aparate celulare dhe varësja e floririt që dyshohet se i kanë vjedhur shtetases E. C. /abcnews.al/
