Loading ...Një ngjarje e rëndë është regjistruar këtë të hënë në Vlorë, ku një vajzë 17 vjeçare ka tentuar t’I japë fund jetës me armë zjarri.
Adoleshentja ndodhet në gjendje të rëndë si pasojë e plagëve që I ka shkaktuar vetes në kokë.
Sipas bluzave të bardha, 17-vjeçarja ka qënë e vetëdijshme kur ka mbërritur në ambientet e spitalit të Vlorës, por në momentin e parë ajo ka humbur ndjenjat dhe ka rënë në koma. Sipas mjekëve ka dy dëmtime në kokë.
Ngjarja e rëndë është regjistruar në mesditë ndërsa e reja u dërgua në spital nga vetë familjarët.
Dyshimet paraprake janë për tentivë vetëvrasje nga ana e 17-vjeçares, siç edhe policia e njoftoi zyrtarisht.
Pasi mori ndihmën e parë në spitalin e Vlorës, 17 vjeçarja u dërgua drejt Traumës në kryeqytet për ndihmë më të specializuar mjekësore.
Sipas mjekëve 17-vjeçarja është e intubuar ndërsa qëndrimi i saj ende në jetë është për shkak se gjaku ka dalë jashtë kokës dhe nuk ka hemorragji./abcnews.al
