Qëndrimet publike të Listës Serbe në të cilat bëhet thirrje që serbët e Kosovës të respektojnë vendimet e qeverisë së Serbisë dhe të Vuçiçit kanë nxitur reagimin e ashpër të kryeparlamentares Vjosa Osmani.
Kjo e fundit ka nisur një iniciativë për të hartuar një deklaratë/Rezolutë në të cilën do t’i kërkojë qeverisë së Kosovë që të largojë nga qeveria ata që i bashkohen Vuçiçit në luftën politike dhe diplomatike kundër Kosovës.
“U bëj thirrje të gjitha partive politike të më bashkohen në hartimin e një deklarim/rezolute ne të cilën ne i kërkojmë qeverisë të përjashtojë nga ekzekutivi të gjithë anëtarët të cilët i bashkohen Vuçiçit në luftën politike dhe diplomatike kundër vendit tonë”, ka shkruar Osmani.
Sipas saj, edhe nëse Qeveria Hoti hesht përballë qëndrimeve të tilla të Srpskas, Kuvendi nuk duhet ta bëjë një gjë të tillë.
Osmani thotë se qëndrimet e Srpskas janë kundër shtetit të Kosovës.
Osmani në një reagimin e saj ka thënë se edhe nëse lihen anash masat për COVID-19, një thirrje e tillë e Listës Serbe për mbështetjen e pozicioneve të Serbisë politikisht e diplomatikisht është një thirrje kundër sovranitetit dhe rendit kushtetues të Kosovës.
“Me fjalët e tyre, ata do “mbështesin Vuçiçin në luftën e tij për Kosovën dhe Metohinë” ”, ka shkruar Osmani tutje
