Në një intervistë për “Abc-ja e mëngjesit“, Cindy Marina pranoi publikisht se është në një lidhje me djalin e Jozefina Topallit, Genarin. Moderatorja sportive tha se kanë një vit që janë bashkë por kanë preferuar që ta mbajnë marrëdhënien e tyre larg vëmendjes së mediave dhe publikut.
Së fundmi, ajo është bërë pjesë e “Dance With me” që ka nisur në TV Klan. Pas performancës teksa po merrte mendimet e jurisë, Cindy u vlerësua për elegancën dhe bukurinë e saj, ndërsa vëmendje mori një koment që bëri Ermal Mamaqi, i cili është anëtar i jurisë së spektaklit të kërcimit.
“Sindi është ëndrra e çdo vjehrre, nuk e di a je e fejuar apo… bëj shaka se e di mos u përgjigj. Dhe vjehrra jote është ëndrra e çdo nuseje” u shpreh Ermali duke qeshur, megjithatë Cindy nuk zbuloi detaje teksa tha: “Nuk kam unazë, tani kam ardhur vetëm me varëse dhe vathë, unazë nuk kam”. /abcnews.al
