Ambasadori i sapo konfirmuar i Shteteve të Bashkuara në Izrael, Jack Leë, do të udhëtojë të enjten në Izrael me Sekretarin e Shtetit Antony Blinken. Leë do të marrë postin e tij në Jerusalem në një kohë kur zgjerimi i operacioneve tokësore të Izraelit në Gaza kanë përjetuar një dënim në rritje nga bota arabe.
Zëdhënësi i Departamentit të Shtetit, Matteë Miller, tha të mërkurën se Blinken dëshiron të informohet nga Izraeli mbi objektivat e tij ushtarake dhe për mënyrat se si mund të rritet ndihma humanitare në Gaza.
“Ai dëshiron të flasë për parandalimin e përhapjes së konfliktit. Ai dëshiron të flasë për aftësinë për të rikthyer pengjet. Dhe siç thashë, ai do të flasë drejtpërdrejt me qeverinë izraelite, siç ka bërë më parë, ashtu si presidenti më parë, për pritjet tona që … në kryerjen e kësaj fushate ushtarake, ta bëjnë këtë në përputhje të plotë me e drejta ndërkombëtare humanitare dhe ligjet e luftës, dhe ne do të jemi shumë të drejtpërdrejtë për këtë.” tha Miller.
Dhuna në rritje e kolonëve izraelitë kundër palestinezëve në Bregun Perëndimor pritet gjithashtu të jetë një temë kryesore e bisedës.
“Ne ia kemi bërë mjaft të qartë qeverisë së Izraelit se jemi shumë të shqetësuar për dhunën e kolonëve në Bregun Perëndimor. Ne e shohim atë tepër destabilizuese. Ne e shohim atë kundërproduktive për sigurinë afatgjatë të Izraelit, përveçse, natyrisht, është jashtëzakonisht e dëmshme për palestinezët që jetojnë në Bregun Perëndimor.”, tha Miller të mërkurën.
“Dhe ne u kemi dërguar atyre një mesazh shumë të qartë se është e papranueshme, duhet të ndalet dhe ata që janë përgjegjës për të duhet të mbajnë përgjegjësi,” shtoi ai./abcnews.al
