Ndërsa ideja e një furgoni Porsche tingëllon një çmenduri, një vështrim tek Vision Renndienst do t’ju bëjë të harroni Volkswagen ID Buzz. Vision Renndienst që u krijua në vitin 2018 dhe nuk u zbulua kurrë deri më tani, është një “anije hapësinore” e frymëzuar nga një furgon VW i përdorur nga Porsche disa dekada më parë.
Duket vërtet mbresëlënëse pasi një pamje e tillë agresive nuk është parë kurrë më parë në një prototip furgoni. Porsche nuk ka publikuar imazhe të brendësisë së furgonit të ri, megjithatë mendohet se Vision Renndienst ka një “kabinë modulare” që mund të përfshijë deri në pesë pasagjerë.
Projektuesit gjithashtu kanë instaluar rrota aliazh me pesë koka dhe një fund të pasmë nga Porsche me shiritin e dritës me gjerësi të plotë. Vision Renndienst është një nga 15 automjetet e ndryshme të krijuara midis vitit 2005 dhe 2019 që janë “lënë në errësirë”, por tani është koha për t’u zbuluar në një libër të ri të quajtur “Porsche Unseen”. /abcnews.al
