Erion Veliaj vijon me një rezultat të thellë ndërsa vazhdon numërimi i votave në bashkinë e Tiranës. Kryebashkiaku aktual, i cili synon mandatin e radhës në krye të bashkisë, ka marrë deri më tani 127,253 vota, rreth 46 mijë më shumë sesa Belind Këlliçi, kandidat i koalicionit ‘Bashkë Fitojmë’.
Këlliçi ka marrë 81,409 ndjekur më pas nga Arlind Qori i ‘Lëvizja Bashkë’ me 11,147. 1156 vota më shumë se sa Roland Bejko i PD zyrtare që ka marrë 9,991. Marko Dajti nga Partia “Fronit i Majtë” ka marrë 2238. Deri më tani ka përfunduar numërimi i 176 kutive të votimit në bashkinë e Tiranës.
Ka përfunduar numërimi për:
Bërzhitën, Dajtin, Krrabën, Shën Gjergjin, Zall Bastarin, Zall Herrin, njësitë 1, 3, 10.
Kuti ende të panumëruara:
Baldushku, Kashari, Ndroqi, Petrela, Peza, Vaqarri, Farka (nuk janë hapur ende)
Ndërsa kanë mbetur kutitë e fundit për t’u numëruar në njësitë 2,6, 11.
