Numërimi i votave në qarkun e Korçës përfundoi këtë të martë, ku në epërsi me mbi 50 për qind të votave fituan socialistët. 57,213 vota rezultuan për PS, ndërkohë PD arriti të merrte 36,405 vota. E treta renditej Nisma ‘Shqipëria Bëhet’ e Lapajt me mbi 4,500 vota.
Korçarët shprehën vullnetin e tyre në kutitë e votimit në 422 qendra votimi, ndërkohë që vijon numërimi për votën e Diasporës. Nga 2,811 zarfe të hapura, 1600 vota janë në favor të PS, e ndjekur nga PD me 721 vota.
Rezultatet paraprake nga 160 qendra votimi, nxjerrin si kandidatë favorit për mandatin e deputetit Ilirian Pendavinji me 3,917 vota. Në vend të dytë Bledi Çomo me 3,395 dhe Besa Spaho me 2,896.
Nga Partia Demokratike, kryeson listën e kandidatëve Jorida Mazelliu me 2,833 vota. Në vend të dytë Fidel Kreka me 1,834 vota. Në vend të tretë është Andrea Mano me 1,799 vota.
Ndarja e mandateve në qarkun Korçë janë 6 mandate për PS, ndërsa për PD janë 4 mandate.
