Pas nënshkrimit me trajnerin Franco Lerda, skuadra e Partizanit ka prezantuar dy blerjet e reja. Uilliam Melo dhe Esin Hakaj do të mbajnë veshur fanellën e të kuqve për edicionin e ardhshëm.
Pas zyrtarizmit të trajnerit Franko Lerda, skuadra e partizanit ka zyrtarizuar dy blerjet e para për merkaton verore. Bëhet fjalë për Uilliam Kordeira Mela dhe Esin Hakaj, dy futbollistë që luajnë në krahët e mbrojtjes. Të dy lojtarët aktivizohen në kategorinë superiore. Mela është aktivizuar sezonin e kaluar tek skuadra e Kukësit dhe shquhet për përshtatjen në pozicione të ndryshme në fushë.
Klubi Futbollit Partizani zyrtarizon sot arritjen e marrëveshjes me Uilliam Kordeiro Melo. Mbrojtësi i djathtë brazilian do të jetë pjesë e skuadrës për sezonin e ri futbollistik 2019 – 2020, pasi ka nënshkruar kontratën me klubin me opsion rinovimi edhe për një tjetër vit është një pjesë e njoftimit të klubit kampion në Shqipëri.
Mbrojtës i krahut të majtë Esin Hakaj vjen nga skuadra e Teutës ku u aktivizua për dy sezone.
Klubi i Futbollit Partizani njofton arritjen e marrëveshjes me Esin Hakaj. Mbrojtësi i majtë ka nënshkruar sot një kontratë një vjeçare me klubin, me opsion rinovimi edhe për një tjetër vit. 22 vjeçari rikthehet në familjen e kuqe, pas dy sezonesh pozitive te Teuta. Njofton klubi i kuq.
Dy përforcimet pritet të kompletojnë skuadrën e partizanit në repartin difensiv. Të kuqtë do të nisin përgatitjet në slloveni në prag të ndeshjeve në Champions League./ABC News Albania 24/7
