Loading ...
Policia e Tiranës ka zbardhur dhe dokumentuar 8 raste të vjedhjeve të kryera, kryesisht gjatë muajit të fundit.
Në pranga është vënë një 22-vjeçari, si autori i dyshuar. Sipas hetimeve ka rezultuar se 22-vjeçari është i dënuar më parë për të njëjtën veprimtari.
Nga veprimet hetimore dyshohet se ky shtetas është autor i vjedhjes së 6 biçikletave, 1 monopatinë gjatë muajit maj dhe nëntor, të cilat shiteshin nga ana e këtij shtetasi në zona të ndryshme të Tiranës dhe të 1 dyqani.
Vijon puna për dokumentimin e vjedhjeve të tjera që mund të jenë kryer nga ky shtetas.
Materialet i kaluan Prokurorisë, për veprime të mëtejshme procedurale
