Golden State Warriors janë kampionët e Konferencës së Perëndimit, pasi me triumfin e fundit me rezultatin 120-110 i mbyllën llogaritë me Dallas Mavericks në ndeshjen e pestë (4-1). “Luftëtarët” ishin favoritë dhe tashmë janë në finalen e madhe, në pritje të fituesit mes Boston Celtics dhe Miami Heat.
Warriors e nisën mirë ndeshjen, duke shënuar pesë pikë më shumë në periodën e parë (28-23) dhe më pas 12 në periodën e dytë (41-29). Edhe pse në disavantazhin e 17 pikë, Mavericks tentuan mrekullinë dhe e ngushtuan në 10 pikë në periodën e tretë. Gjithsesi perioda e fundit ishte e barabartë dhe Warriors festuan titullin kampion.
Klay Thompson ishte ai që e mori skenën me 32 pikë, ndërkohë që ndeshje të mirë Warriors bëri në grup. Stephen Curru shënoi 15 pikë dhe dha 9 asiste, Jordan Poole realizoi 16 pikë, kurse Andrew Wiggins veç 18 pikëve kapi edhe 10 topa në tabelë.
17 pikë edhe për Draymond Green, autor edhe i 9 asisteve dhe 6 topave të kapur në tabelë. Me rebound spikati edhe Kevon Looney, regjistroi 18, si dhe shënoi 10 pikë. Te Dallas si zakonisht bëri një ndeshje të mirë Luka Doncic me 28 pikë, kurse Spencer Dinwiddie realizoi dy më pak.
