Barcelona nuk ia doli të mposhtë Slavian e Pragës në “Camp Nou” dhe la dy pikë të rëndësishme. Çekët treguan sërish forcën e tyre dhe pas frenimit të Interit në “San Siro”, ia dolën të bllokojnë edhe Barçën në transfertë.
Një episod interesant ka ndodhur gjatë pjesës së parë. Ndeshja pati shumë duele dhe kur ndodh diçka e tillë ai që bie në sy është Arturo Vidal. Mesfushori kilian njihet për grintën e madhe.
Në një moment humbet kontrollin e trupit, por kurrsesi nuk mund të humbiste topin. Vidal reagon gjysmë i shtrirë, godet topin me kokë dhe ia pason një shoku të skuadrës, siç dallohet edhe në videon e mëposhtme.
Një rast i përsëritur për mesfushorin latin, i cili kishte kryer një veprim të ngjashëm edhe kur ishte pjesë e Bayern Munchen. Luhej dueli kundër Borussia Dortmund dhe Vidal bllokoi topin me kokë gjatë një dueli në mesfushë. /abcnews.al
Arturo Vidal with the Phil Jones header after a heavy touch from r/soccer
