VIDEO/ Shpërthen raketa e “Blue Origin” gjatë provës në Florida, kompania: Të gjithë punonjësit janë të sigurt

Një raketë e kompanisë hapësinore “Blue Origin” është përfshirë nga flakët gjatë një prove në platformën e lëshimit në Cape Canaveral, duke shkaktuar një shpërthim të fuqishëm që ndriçoi qiellin dhe u filmua nga dëshmitarë në zonë.

Incidenti ndodhi, gjatë një prove të ashtuquajtur “hot fire”, e cila kryhet përpara lëshimeve zyrtare të raketave.

Pamjet e publikuara në rrjetet sociale tregojnë momentin kur raketa shpërthen dhe një top i madh zjarri përfshin zonën e platformës.

Në një deklaratë zyrtare, Blue Origin konfirmoi se gjatë testit ka ndodhur një “anomali”, por theksoi se i gjithë personeli është lokalizuar dhe ndodhet jashtë rrezikut.

Kompania e themeluar nga Jeff Bezos nuk dha detaje të tjera mbi shkaqet e incidentit, ndërsa autoritetet dhe ekipet teknike kanë nisur hetimet për të përcaktuar çfarë çoi në shpërthim.

Edhe vetë Jeff Bezos reagoi në rrjetet sociale, duke deklaruar se siguria e stafit mbetet prioritet dhe se hetimi ndodhet ende në fazat fillestare.

 

Blue Origin’s New Glenn just blew up at LC-36 while attempting to Static Fire ahead of NG-4.https://t.co/tANS0dWyIH pic.twitter.com/PztxFoBqIw

— NSF – NASASpaceflight.com (@NASASpaceflight) May 29, 2026