Malaga ka marrë një fitore 0-2 në transfertë përballë Deportiva La Coruna, duke u larguar disi nga zona e ftohtë e renditjes. Sulmuesi kuqezi, Armando Sadiku, ka gjetur golin në këtë sfidë, duke dyfishuar avantazhin e skuadrës së tij.
Në minutën e 87-të, bomberi shqiptar përfiton mjaft mirë nga një dalje e gabuar e portieri vendas, për të shënuar më pas me kokë me portën e boshatisur. Ky gol ishte i treti në kampionat për Sadikun, që së bashku me Keidi Baren, e nisi titullar këtë sfidë.
Këto tre pikë, e çojnë Malagan në vendin e 19-të, në kuotën e 11 pikëve. Deri më tani, Sadiku po bën një sezon personal shumë të mirë dhe me shumë gjasa, do të grumbullohet edhe në kombëtare në sfidat e nëntorit./abcnews.al
Spanjë, La Liga 2
Dep. La Coruna – Malaga 0-2
Villanueva 42′, Sadiku 87′
