Dje u zhvillua java e fundit e kampionatit spanjoll dhe Leganes u rrëzua nga kategoria. Skuadra e vogël spanjolle, që u ngjit për herë të parë në histori në La Liga në vitin 2016, nuk shkoi më shumë se një barazim 2-2 kundër kampionëve të Real Madrid.
Edhe pse “Los Blancos” nuk ishin të motivuar, vendasit humbën shumë raste dhe nuk ia dolën të marrin tre pikët që do i shpëtonin. Leganes u rikthye pas katër viteve në Segunda Division, diçka që trishtoi tifozët.
Gjithsesi, këta të fundit e ruajtën krenarinë e tyre dhe i rezervuan skuadrës së zemrës një pritje fantastike në fund të sfidës kundër ekipit të Zidane. “Jeni gjëja më e rëndësishme që kemi për t’u rikthyer sërish në La Liga. Me gjithë zemër, faleminderit“, iu drejtua atyre klubi iberik tifozëve në postimin e bërë në “Twitter”. /abcnews.al
Tenemos lo más importante para volver… De verdad, GRACIAS afición ? pic.twitter.com/kSLXhrH9nY
— C.D. Leganés (@CDLeganes) July 19, 2020
