Është ripërsëritur historia në një varrezë murale në Napoli. Ashtu si edhe në janar, edhe ditën e djeshme disa varreza në zonën e Poggioreale në Napoli, janë rrëzuar dhe dëmtuar si pasojë e rrëshqitjes së tokës.
Siç shihet edhe në video, arkmortet kanë dalë nga gropat dhe kanë pësuar dëmtime të shumta.
Në zonë kanë ndërhyrë dhe zjarrfikësit, të ndihmuar nga persona që banojnë pranë varrezave më të mëdha dhe të vjetra të qytetit. Lidhur me rastin ka reaguar dhe këshilltari rajonal i Europës së Gjelbër, Emilio Borrelli.
“Një tjetër shembje është shënuar në varrezat e Poggioreale. Është një situatë kritike dhe e papranueshme. Për shumë vite, varrezat napolitane janë keqmenaxhuar dhe braktisur duke qenë pre e mashtruesve dhe përfituesve. Ky është rezultati”, shprehet ai.
