varrezat

varrezat-Tufine.jpg
nev ila16:27 | 13/03/2020

ABC News është duke kryer një vëzhgim në gjithë zonat ku është thënë se janë vatrat më të mëdha të përhapjes së Koronavirusit. Një nga këto është edhe pjesëmarrja në varrime.

Duket se shqiptarët janë ndërgjegjësuar, që nuk duhet të marrin pjesë në këto ceremoni për të evituar përhapjen.

Gazetari Maksi Rama ka qenë në varrezat e Tufinës për të verifikuar këtë fakt.

Siç raporton për abcnews.al, në një ceremoni varrimi është vënë re pjesëmarrja e vetëm 2 makinave.

Nuk ka patur grumbullime masive dhe sipas informacioneve prej dy ditësh është vënë re se pjesëmarrësit janë reduktuar në maksimum.

Rojet dhe punëtorët e mirëmbajtjes në këtë varrezë kanë konfirmuar këtë fakt.

Ndërkohë numri i të prekurve në Shqipëri është rritur ndjeshëm ditën e sotme. Në total janë infektuar 33 persona./abcnews.al

policia-varrezat-kelcyre.jpg
nev ila19:44 | 10/01/2020

Një pako e mbështjellë me letër natriban e hedhur në varrezat greke në Manastirin e Shën Nikollës në grykë të Këlcyrës në Përmet ka vënë në alarm policinë e shtetit.

Ky është momenti kur forcat xhenio të ardhur ka Tirana, kryejnë shpërthimin e kontrolluar të pakos së dyshimtë e gjetur në varrezat greke, e cila rezultoi të ishte false.

Shpërthimi i kontrolluar u krye nga ekspertët rreth orës 14: 10 të së premtes.

Ka qenë roja i varrezave i cili ka konstatuar pakon në orët e para të mëngjesit dhe menjëherë ka njoftuar policinë.

I gjithë manastiri u vendos nën perimetrin e sigurisë dhe deri në mbërritjen e eksperteve askush nuk u lejua të hyjë në zonë.

Varret greke në Shqipëri ka qenë gjithmonë një temë e nxehtë për banoret e zonës që pretendojnë se janë marrë eshtrat e familjarëve të tyre./abcnews.al

VARREZAT-NE-LEZHE_ABC-2-1280x702.jpg
ent ela16:08 | 04/11/2018

Në fshatin Grash të Lezhës banorët po përballen me një situatë tepër të veshtire. Ata nuk kanë vend ku të varrosin njerëzit e tyre dhe kërkojnë ndihme nga bashkia. Të varrosësh të afërmit që ndahen nga jeta ka edhe një problem më  shumë se dhimbja nëe fshatin Grash të njesise administrative Dajç të bashkisë Lezhë.

Sigurimi i një copë toke ku do të prehet për herë të fundit i vdekuri është bërë mision shumë i vështirë. Dede Shfjefni Kryeplak i fshatit Grash tregon situata që askush nuk mundet as t’i mendojë.

Ded Shfjefni, Kryeplak i fshatit Grash: Ka pas momente që këtu janë varrosur në varre të tjera dhe kanë detyruar fshatarët të shohin me i nxjerrë jashtë nga varri. Kjo ka qenë një katastrofë.

Pasi kanë shfrytëzuar çdo hapësirë të mundshme në varreza, banorët e fshatit Grash do të jenë të detyruar që t’i varrosin të afërmit e tyre në tokën bujqësore. Nëse nuk do të ketë zgjidhje që vijnë nga institucionet, kjo duket se do të jetë vendimi i tyre. Në ritualet për të përcjellë në banesën e fundit të afermit e tyre janë dashur të shkelin mbi çdo varr.

Banor 1: Vetëm varrosim njerëzit, nuk dimë ku kalojmë dhe kështu nuk është mirë.

Banor 2: Jemi 5 familje dhe kemi vetëm një varr, problemi jonë është se ne po të kemi vdekje në shtëpi nuk kemi mundësi se ku t’i cojmë trupat e njerëzve tonë dhe jemi të detyruar t’i futim në tokat që kemi.

Duhet gjetur zgjidhje thotë kryeplaku i fshatit Dede Shtjefni, pasi hapësira shumë e limituar aktuale për 3 fshatra do të vendosë  shumë shpejt përballë dilemave, ndërsa është i bindur se ekzistojnëe hapësira që të sigurohet një tjetër tokë.

Ded Shfjefni Kryeplak i fshatit Grash: Sepse 93 e ca frymë që ka fshati me 1 dynym tokë 3 fshatra është e papërballueshme. Do vijë koha që t’i lënë njerëzit mbi dhe.

Kërkesat e vazhdueshme ende nuk kanë marrë zgjidhje, ndërsa kryesia e fshatit thotë se do t’i drejtohet bashkisë për vlerësimin e kësaj problematike. /abcnews.al

 

4FB16EF100000578-6130759-image-a-29_1536143194244.jpg
ad min08:15 | 08/09/2018

Banesa në një shtëpi të re është gjithmonë sfiduese dhe me shumë surpriza. Ndërkohë që çuditë më të zakonshme mund të jenë adaptimi më rendin e ri dhe mosngatërrimi i derës së banjos me dhomën e gjumit, për disa familje shpërnguljet kanë qenë akoma më interesante. Disa prej tyre kanë postuar nëpër rrjetet sociale momentet kur e kuptuan së banesa e tyre, ishte në fakt një sënduk cili përfshinte shumë thesare të lëna nga pronarët e mëparshëm. Nga dyshemetë e pikturuara, tek unazat e diamantit ose varrezat e nëndheshme, ja cilat janë disa prej zbulimeve më surprizuese që janë bërë nëpër shtëpi të ndryshme.

Një 27 vjeçare nga Knadaja, ndau këtë foto të një tuneli të nëndheshëm të banesës së saj, i mbushur më vizatime nga më të frikëshmet dhe të pashpjegueshme.

Një tjetër person me fat, ka gjetur pas murit të banjos së tij një qese plastike e cila përmbante një unazë diamanti, disa bizhuteri dhe monedha të vjetra.

Ndërsa në Luizianë të SHBA, pas përmbytjes së shtëpisë së tyre, familjarët donin të rinovonin dyshemenë. Duke hequr pjesët e parketit ata gjetën një afresk me piktura të bëra nga pronarët e mëparshëm.

Këtë herë, një person nga Britania e Madhe zbuloi se shtëpia ku ai jetonte kishte qenë më parë një stacion policie. Dyert tashmë ishin lyer të bardha, por drynët e mëdhej mbetëshin akoma për të izoluar disa prej dhomave.

Një banues ndau një foto rrënqethëse të një kishë në Konektikat SHBA, ku në katin e nëndheshëm të saj kishtë zbuluar një varrezë. Ai rrëfeu se kishtë mësuar se varreza supozohej të kishtë një kalim për nga jashtë, por më vonë mbi të ishtë ndërtuar kisha në fjalë. Gurët e varrit, pas zbulimit u zhvendosën, por eshtrat u lanë po aty. Disa prej tyre datojnë që në vitin 1687.

Gjithashtu, një grafist nga SHBA, po ndihmonte të atit të shpërngulej tek zyra e tij e re, ku zbuloi një derë të fshehtë e cila të çonte në një bodrum plot më shkresa antike./abcnews.al

 

BERAT-VARREZAT-SKA-VENDE-1280x720.jpg
ent ela14:36 | 19/06/2018

Banorët në Berat janë të shqetësuar për mungesën e varreve në varrezat publike. Por nënkryetari i Bashkise i tha ABC News se do të blejë tokë të re për të zgjidhur problemin.

E shqetësuar, kjo e moshuar ka shkuar tek varrezat për të parë nëse ka hapësira të lira apo jo.  Por në ato publike në hyrje të Beratit, në vendin e quajtur “Burrdullias” nuk ka më vende  për të vdekurit.

“Vend nuk ka për të varrosur, do futem te burri”.

Lëvizja e banorëve të fshatrave drejt qytetit gjatë viteve të fundit ka ndikuar që ritualet e varrimit të bëhen në lagjet ku janë vendosur. Kjo ka sjellë dhe shfrytëzimin e të gjitha hapësirave të mundshme për varre të reja.

“Nuk kalon dot të shkosh te personi që ëhstë varrosur, nuk e gjen dot”

Një vit më parë Bashkia e Beratit shfrytëzoi një parcelë për të hapur territor varrezash. Por edhe kjo sipërfaqe është shfrytëzuar. Bashkia pret të shpronësojë një tokë tjetër për t’i dhënë zgjidhje problemit.

“Bashkia t’i japë një zgjidhje këtij problemi”.

“Ky territor të shpronësohet dhe të kalojë pjesë e bashkisë për të kryer shërbimin e varrimit në parcelën e Burdullit”.

Ajo që pritet të ndodhë në Berat, është e rëndë për banorët. Që tani po mendojnë të zhvarrosin të parët e tyre për të patur varre të lira. /abcnews.al

Veliaj-inspekton-punimet-e-perfunduara-per-rehabilitimin-e-varrezave-te-Sharres-2-1280x854.jpg
ent ela12:28 | 10/02/2018

Baltë në dimër e pluhur në verë, kaos makinash, ndërtime pa leje e ambulantë që shisnin ku të mundnin. Kjo ishte panorama që ofronin varrezat e Sharrës deri para pak muajsh. Tanimë, falë investimit të Bashkisë së Tiranës, ato janë shndërruar në një vend dinjitoz prehjeje për ata që nuk jetojnë më, por edhe për njerëzit që vizitojnë të afërmit e tyre. Përveç rikonstruksionit të tre rrugëve kryesore, që i vijnë në ndihmë banorëve të zonës, Bashkia e Tiranës rehabilitoi edhe mjediset e brendshme të varrezave, si dhe ka bërë numërtimin e tyre.

Kryebashkiaku Veliaj theksoi se pas rehabilitimit të varrezave të Tufinës, ky është një tjetër premtim i mbajtur. “Premtuam se në gjysmën e parë të mandatit do të bënim varrezat e Tufinës dhe në gjysmën e dytë ato të Sharrës. Më vjen mirë që ende pa u mbyllur viti ynë i tretë, kemi përfunduar dy projekte shumë dinjitoze për qytetin tonë. Ndonjëherë, në politikë apo edhe në skenën publike, i japim rëndësi atyre që bëjnë më shumë zhurmë, që bërtasin shumë, që çirren më shumë, dhe harrojmë se në fakt detyra e qytetit tonë është të kujdeset jo vetëm për të gjallët, por edhe për ata që kanë dhënë shumë kontribut dhe meritojnë po të njëjtin shërbim e respekt”, tha kreu i Bashkisë së Tiranës.

Ai shtoi se projekti ka realizuar ndërhyrjen e plotë në të gjitha rrugët hyrëse dhe dalëse në varreza, përfshi kanalizimet, shtresat asfaltike dhe trotuare, si dhe shtrimin e rrugicave të brendshme. “Kemi sistemuar parkingjet, varrezat murale dhe po mundohemi që ky mjedis të jetë sa më dinjitoz. Ndoshta, lehtësojmë pak dhimbjen e të ardhurit në një vend paqeje, prehjeje e meditimi, se sa në një vend të zaptuar e të dhunuar në çdo cep të tij. Mënyra se si do funksionojnë varrezat e Sharrës janë në formën e një Unaze: futemi nga rruga kryesore në Sharrë, pastaj dalim në rrugën “Lekë Zaharia”, që po ashtu është rehabilituar, por edhe për banorët që janë në gjithë këtë zonë, tashmë ka më shumë civilizim, më shumë urbanizim”, u shpreh Veliaj.

Kryebashkiaku theksoi se bashkë me projektin e rehabilitimit të varrezave është bërë edhe largimi i të gjitha ndërtimeve pa leje, që ishin bërë pengesë e vazhdueshme për kortezhet apo për lëvizjen e banorëve. “Më vjen  mirë që më në fund i kemi kthyer dinjitetin qytetit, duke filluar nga çeku i bebes, që mungonte prej vitesh, deri tek dinjiteti i varrezave. Më vjen mirë që u bë viti i tretë që nuk kemi asnjë ndërtim pa leje në varreza. Jo vetëm që është ndaluar ndërtimi pa leje në qytet, por është dy herë më fyes kur ka ndërtime pa leje edhe në varreza; jo vetëm kaq, por kemi pastruar të gjithë ndërtimet pa leje në rrugët hyrëse”, tha Veliaj.

Ai theksoi se pas rehabilitimit të dy varrezave të qytetit të Tiranës, bashkia do ndërhyjë edhe në varrezat e fshatrave, për t’i dhënë atyre dinjitet. Veliaj u bëri thirrje familjarëve që kanë të afërmit e tyre në varrezat e Tiranës ta përjetësojnë kujtimin e tyre duke mbjellë një pemë. “Dua të ftoj të gjithë qytetarët, të mbjellim pemë! Kemi mjaftueshëm hapësira të vogla në varreza për të mbjellë një selvi, një shkurre dekorative dhe për të kontribuar të gjithë, që edhe në varrezat e Tiranës, si në Tufinë, ashtu edhe në Sharrë, të kemi të njëjtën frymë të gjelbërimit dhe të hijeshisë, ashtu siç kemi bërë në çdo cep të Tiranës”, u shpreh Veliaj.

Gjithashtu, krahas investimeve në infrastrukturën rrugore, Bashkia e Tiranës ka vendosur që në këtë vit në çdo investim që kryen të vendosë ndriçim LED./abcnews.al

vlcsnap-error101-1280x720.jpg
ent ela12:15 | 29/01/2018

Ceremonia mortore për studentin e Infermerisë u zhvillua në fshatin e tij të lindjes në Zharrëz, dhe trupi i tij tani do të prehet në të njëjten varrezë, ku prehet edhe Ariela. Kushëriri i  Aldisonit, Astrit Koroveshi, u  tha gazetarëve se nuk ka asnjë arsye për të pasur hasmëri mes dy familjeve, ata mund të përfundonin në martesë.

 

Përfundimisht pranë, por pasi i mori jetën asaj dhe vetes. Aldison Behlulaj u varros në varrezat e fshatit Zharrëz, aty ku prehet 21 vjeçarja Ariela Murati të cilën e vrau në emër të dashurisë.

23 vjeçari vdiq në spital. Ai qëlloi veten me plumb në kokë pasi vrau vajzën që donte për grua. Kështu i quajnë të afërmit e 23 vjeçarit, një çift të rinjsh që pati probleme. Kjo mund t’i ndodhe çdo çifti,  thotë Astrit Koroveshi kushëriri i Belulajt.

Ngjarja e rëndë ndodhi  pranë fakultetit të Mjekësisë aty ku  studionte e motra e Ariela Murati.  21 vjecarja kishte shkuar ta takonte pavarësisht kërcënimeve që merrte nga Behlulaj.

Tetë ditë para se të kryente vrasjen i riu ishte nisur nga Fieri drejt Tiranës i armatosur, si duket edhe i vendosur për ta ekzekutuar.

Një javë para krimit  e kishte deklaruar qëllimin e tij në prani të kusherinjve të vajzës duke treguar plumbat e pistoletës në tavolinën e një lokali në Zharrëz.

Por pavarësisht nga ajo çfarë tregon njëra palë apo pala tjetër të humbur në këtë tragjedi, hetimet nuk kanë përfunduar. Zyrtarisht shkaku pse studenti i infermerisë vrau studentën e Drejtësisë, nuk dihet./abcnews.al

vlcsnap-error471-1-1280x720.jpg
ent ela11:47 | 24/01/2018

Në fshatin Dragot të Tepelenës vijojnë gërmimet për gjetjen e eshtrave të ushtarëvë greke të rënë gjatë luftës italo- greke. Edhe pse zyrtarisht palët shqiptare dhe greke nuk kanë dhënë informacione mbi gërmimet, burime të ABC News pohojnë gjetjen e 6 skeleteve, 2 prej të cilëve janë identifikuar.

Pritet që rezultatet e para për identitetin e eshtrave të mbërrijnë pas 10 ditëshit të parë të gërmimeve. Për të gjithë skeletet që nuk do të mund të identifikohen prej medalionëve do të ketë analiza të mëtejshme ADN-je. Mes të varrosurve në luginën e Sajmolës mendohet të ketë edhe një numër të vogël ushtarësh italianë./abcnews.al

vlcsnap-error809-1-1280x720.jpg
ent ela14:20 | 23/01/2018

Varrezat e 7 fshatrave të Lushnjës që ndodhen  në Mazhaj janë përmbytur nga reshjet e ditëve të fundit. Banorët janë alarmuar për këtë fenomen, që po dëmton varret e të afërmve të tyre

Të varrosësh të vdekurit në Mazhaj  të Lushnjës është e pamundur.  Uji në territorin e varrezave po nxjerr arkivolet  nga nëntoka. Ky banor tregon se brenda ditës sapo kreu ritualin e fundit ndaj  njeriut të tij të ndjerë, u detyrua të derdhë beton për të rritur peshën sepse uji e nxorri në sipërfaqe.

Histori të tilla tregohen nga çdo familje në këtë fshat. Një tjetër banor tregon se është detyruar të zhvarros babanë e tij 30 vjet pas vdekjes për të njëjtën arsye.

 

Prifti i kishës në territorin e së ciles gjenden varrezat ishte i pari që dha alarmin. Për çdo rast vdekjeje, hidhërimi shoqërohet me frikën . Problemi është shkaktuar nga ky kanal kullues i cili nuk është pastruar vitet e fundit.  I mbuluar nga barishtet dhe kallama nuk funksion kullimi i tokës.

Territori i varrezave pastrohet vullnetarisht nga banorët e zonës. Bashkia nuk ka vendosur punëtorë për këtë proces.

 

Varrezat pranë kishes së Mazhajt janë ngritur rreth vitit 1817. Sot në siperfaqen e saj prej  16.752 metër katrorë kryejnë varrimet shtatë fshatra, pjesë e njësisë administrative të bashkisë Lushnje./abcnews.al

 

 

vlcsnap-error594-1-1280x720.jpg
ad min11:20 | 28/11/2017

Partia Demokratike perkujtoi sot në  Varrezat  e Dëshmorëve të Kombit ditën e pavarësisë dhe atë të Çlirimit. Kryetari Lulzim Basha i shoqëruar nga bashkëshortja, nënkryetari selisë blu Edi Paloka dhe zyrtare te tjere te opozites zhvilluan homazhe pranë monumentit “Nënë Shqipëri”.Pasi vendosen kurorat me lule kryetari i Partisë Demokratike bashkë me urimin për shqiptarët apeloi që kjo ditë të shërbejë për të përmbushur edhe sot aspiratat e kombit shqiptar.

Demokratët ndjekin traditën pranë monumentit Nënë Shqipëri

Aty ku çdo 28 nëntor nderojnë ditën e Flamurit dhe dëshmorët e rënë për lirinë e atdheut.

Para se të nisej pë në varrezat e Dëshmorëve të Kombit, Lulzim Basha postoi në facebook mesazhin e përkuljes dhe respektit para heronjve të lirisë dhe pavarësisë, duke shprehur bindjen se beteja për Shqipërinë demokratike dhe europiane është nderimi më i madh për sakrificat e tyre, thirrja më e lartë për çdo shqiptar, siç u shpreh ai.

Një mesazh në nderim të ditës së Flamurit që bashkon kombin shqiptar u përcoll dhe pas ceremonisë.

“Nga koha e Gjergj Kastriot Skënderbeut deri tek luftërat e fundit çlirimtare të shqiptarëve, 28 Nëntori është dita kur flamuri që na bashkon të gjithëve si komb, na kujton për sakrificën e madhe dhe çmimin e lartë që liria dhe pavarësia shqiptare kanë patur ndër shekuj.

Basha foli po ashtu për peshë përgjegjësie…

“…na kujton për peshën e përgjegjësisë së brezit të ri dhe shqiptarëve sot. Për brezat e ardhshëm, betejën për Shqipërinë europiane dhe demokratike si thirrjen më të lartë dhe nderimin më të madh për sakrificën e heronjve dhe martirëve të lirisë dhe të pavarësisë.

Zoti e bekoftë Shqipërinë!

Gëzuar të gjithëve!

Faleminderit!”

Në Tiranë, u rezervua në rertorikën akuzuese të muajve të fundit, për lidhjet e qeverisë me krimin, por të rinjtë demokratë nuk u kursyen në Vlorë, aty ku u zhvendos axhenda zyrtare në ndërim të 105 viteve Shqipëri të Pavarur ./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono