Para pak orësh në rrjetet sociale u publikua një video nga punimet e rikonstruksionit të “Santiago Bernabeu” dhe ajo që u bë virale ishte prania e dy pinguinëve, që shëtisin nëpër ambientet e stadiumit.
Prania e tyre ka ngjallur kureshtjen e të gjithëve, me punëtorët e stadiumit, që duket sikur nuk janë të çuditur nga prania e tyre, duke shkaktuar komente të pafundme në rrjetet sociale.
Ndërkohë të shumtë janë ata që dyshojnë se kjo video nuk është reale, gjithsesi është diçka e veçantë. Stadiumi i Real Madrid po rikonstruktohet dhe pritet të mbarojë në vitin 2023, kur do të jetë një nga më modernët në të gjithë globin. /abcnews.al
