Pak ditë kanë mjaftuar që Mauricio Pochettino të fitojë trofeun e parë në stolin e PSG. Kampionët e Francës mposhtën 2-1 Marseille në finalen e Superkupës së Francës, që u luajt në ” Stade Bollaert-Delelis” të Lensit.
Goli i parë erdhi gjashtë minuta përpara mbylljes së pjesës së parë. Kros i gjatë dhe goditje me kokë e Mauro Icardit. Portieri i Marseille e ndaloi një herë argjentinasin, por nuk kishte çfarë të bënte në goditjen e dytë. Topi në rrjetë dhe PSG në avantazh.
Goli i qetësisë erdhi pesë minuta përpara fundit të ndeshjes. Skuadra e Pochettinos fitoi një penallti dhe ekzekutimin e mori përsipër Neymar. Braziliani nuk gaboi nga pika e bardhë. Marseille nuk u dorëzua dhe shkurtoi rezultatin katër minuta më vonë.
Dimitri Payet realizoi një gol të bukur, por nuk pati më kohë për të tentuar barazimin. Përfunbdimisht 2-1 për PSG-në, që fitoi për herë të dhjetë në histori Superkupën e Francës. /abcnews.al
?????????????
Full time! @PSG_English are your #TropheeDesChampions winners!
????????????? #TDC2020 #PSGOM pic.twitter.com/iJc2mXqdxy
— Ligue1 English (@Ligue1_ENG) January 13, 2021
