Loading ...
Shtatë komuna në Serbinë juglindore janë vënë në gjendje të jashtëzakonshme për shkak të motit të keq.
Reshjet e dendura të shiut që goditën rajonin dje, të enjten, shkaktuan derdhje të lumenjve dhe vërshime në fshatra dhe qytete.
Trupi i pajetë i një burri është nxjerrë sot nga lumi Rashkë në qytetin e Novi Pazarit , ndërsa një tjetër rezulton i zhdukur.
Dy burrat janë marrë pasditen e djeshme nga ujërat e vrullshme të lumit teksa po vendosnin thasë me rërë në breg për të mos lejuar që ujërat të hynin në shtëpitë e tyre. Shikoni videon e momenteve të tërheqjes zvarrë nga një lumë në Novi Pazar.
Momenat kada sin skače da spasi oca iz bujice.
Sin je spašen,oca još nisu pronašli.
Novi Pazar 19.01.2023 pic.twitter.com/zzH02cl4jb— Meraklija (@sticenik) January 19, 2023
Përmbytjet kanë shkaktuar dëme të mëdha edhe në shtëpi, rrugë dhe ura, ndërsa janë përmbytur dhjetëra mijëra hektarë tokë të punueshme. Nuk ka qasje në shumë fshatra pasi urat në rrjetin rrugor provincial u fshinë. Probleme me energjinë elektrike ka edhe në shumë zona të Serbisë juglindore./abcnews.al/
