Janë mbyllur katër sfidat e orës 15:30 të javës së 30-të në Bundesliga, ku rezultatet surprizë nuk munguan. Skuadra e Leipzig u ndal në fushën e saj nga Paderborn, me rezultatin 1-1.
Edhe pse djemtë e Nagelsmann kaluan të parët në avantazh përballë skuadrës së Gjasulës, që mban vendin e fundit (Shcick 27’), nuk arritën të merrnin tre pikët e plota. Strohdiek në sekondat e fundit të takimit barazoi për miqtë.
Bayern Munchen përmbysi ekipin e Bayer Leverkusen në transfertë. Vendasit kaluan të parët në avantazh në minutën e 10-të me anë të Alario, por bavarezët shënuan katër herë më pas. Coman, Goretzka dhe Gnabry shënuan në pjesën e parë, ndërsa Lewandowski, me golin e 30-të në Bundesliga këtë sezon, çoi shifrat në 1-4. Wirtz shënoi në minutat e fundit të sfidës për Leverkusen, duke e vendosur rezultatin final në 2-4.
Skuadra e Eintracht Frankfurt është mposhtur në shtëpi me rezultatin 0-2 nga Mainz, duke e komplikuar pozitën e saj në renditje, ndërsa Mainz mori tri pikë të arta. Ndërsa Dusseldorf-Hoffenhaim, u mbyll në barazim spektakolar 2-2./abcnews.al
? Paderborn stun Leipzig
? Bayern unstoppable
? Precious derby points for Mainz
? Eventful draw in Düsseldorf #BundesligaMD30 pic.twitter.com/99aXkXsaKi— Bundesliga English (@Bundesliga_EN) June 6, 2020
